हिंसा आणि छळ

आपल्या समाजात पुरुषांचे अपघात रस्त्यांवर होतात तर महिलांचे त्यांच्या स्वत:च्या घरामध्ये. आज हिंसेची व्याख्या तपासून पहाण्याची वेळ आली आहे. हिंसा ही फक्त शारीरिक नसून त्यामध्ये आता तंत्रज्ञानाचा वापर मोठ्याप्रमाणात होत आहे. लहान मुलींपासून म्हातार्‍या बायकांपर्यंत बलात्कार होताना दिसत आहे. हिंसेची आकडेवारी पाहिली असता, आपल्याला लक्षात येईल की समाजातील अर्धा हिस्सा आपण फक्त पितृसत्ताकतेमुळे दुर्लक्षित ठेवतोय. ही पितृसत्तताकतेची बंधने तोडून काहीप्रमाणात महिला पुढे येताना दिसत आहे. त्यांना साथ देउन हा लढा बळकट करण्याची गरज आज निर्माण झाली आहे. ही लढाई फक्त महिलांची नसून, ती स्त्री आणि पुरुष दोघांचीही आहे.