‘आयकॉल’ हेल्पलाईन-०२२ २५५२११११

0 362

नाते संबंधातील ताणतणाव, नैराश्य, शोषण, हिंसा, घरगुती हिंसा, लैंगिकतेविषयीचे प्रश्न, कामाच्या ठिकाणच्या अडचणी, दुर्धर आजार, व्यसनाधिनता आणि करिअरविषयीचे प्रश्न यांसारख्या अनेक प्रश्नांचा सामना करत असताना आपल्याला ताणतणाव येऊ शकतो. भावनिक आणि मानसिक आधाराची गरज भासू शकते.

टाटा समाजविज्ञान संस्थेची iCALL (आयकॉल)  ही हेल्पलाईन गरजू व्यक्तींना समुपदेशन आणि भावनिक आधार देण्याच्या हेतूने सुरु करण्यात आली आहे. ‘आयकॉल’ला तुम्ही तुमच्या सोयीनुसार फोन किंवा ई-मेल करू शकता. तुमचे नाव किंवा फोन नं. देण्याची आवश्यकता नसल्याने तुमची ओळख कुठेही उघड होणार नाही. तुम्ही तुमचे समाधान होईपर्यंत, कितीही वेळ बोलू शकता.

फोन:  ०२२ २५५२११११

ई-मेल: icall@tiss .edu
फोन करण्याची वेळ: सोमवार ते शनिवार, सकाळी ८ ते रात्री १०

आयकॉलची वैशिष्ट्ये:

  • प्रशिक्षित व्यावसायिक समुपदेशन सेवा
  • सोमवार ते शनिवार, सकाळी ८ ते रात्री १० या वेळेत दूरध्वनी मार्ग व्यस्त असणार नाही
  • प्रत्येक ई-मेल /ट्वीटर/ फेसबुक संदेशाला २४ तासांत प्रतिसाद
  • पूर्णत: गोपनीयता : तुमचे नाव अथवा फोन नं. नोंदविण्याची आवश्यकता नाही. संभाषण ध्वनिमुद्रित केले जात नाही.
  • तुम्ही तुमचे समाधान होईपर्यंत, कितीही वेळ बोलू शकता आणि तुमचे सर्व बोलणे संयमपूर्वक ऐकले जाते.
  • मिळणारा भावनिक आधार हा न-निर्णायक (non judgmental) असेल आणि तुम्ही कोणत्याही विषयावर बोलू शकता.
  • विविधतेचा आदर : प्रत्येक समुपदेशक अल्पसंख्यांक/ दुर्लक्षित समुदायाच्या समस्यांबाबत संवेदनशील आहे.

Leave A Reply

Your email address will not be published.

This site uses Akismet to reduce spam. Learn how your comment data is processed.