‘सेक्स’ला नकार दिला म्हणून विद्यार्थिनीचा खून ; प्राध्यापकाला अटक

सांगली

2,774

 

सांगली येथील शांतिनिकेतन लोकविद्यापीठातील मुक्त विद्यापीठामध्ये एका विद्यार्थिनीचा खून केल्याची खळबळजनक घटना रविवारी सकाळी घडली होती. याप्रकरणी पोलिसांनी एका प्राध्यापकाला अटक केली आहे. ऋषिकेश मोहन कुडाळकर (वय-२७ रा. कसबेडिग्रज) असं अटक केलेल्या प्राध्यापकाचं नाव असून शारिरीक संबंध ठेवण्यास नकार दिल्याने खून केल्याची कबुली आरोपीने दिली असल्याची माहिती आहे. आरोपीला सोलापूर जिल्ह्यातील सांगोला येथून अटक करण्यात आली आहे.

सांगलीच्या शांतिनिकेतन येथील यशवंतराव चव्हाण मुक्त विद्यापीठामधील विद्यार्थिनी वैशाली नलवडे – मुळीक हिची रविवारी निर्घुण हत्या करण्यात आल्याची घटना घडली होती. वैशाली मुळीक ही विवाहीत होती आणि तिला दीड वर्षाचा एक मुलगा आहे. मुक्त विद्यापीठामध्ये एसवायबीएच्या वर्गात तिने प्रवेश घेतला होता. आठवड्यातून एक दिवसच फक्त रविवारी मुक्त विद्यापीठ सुरू असते. त्यामुळे शांतिनिकेतन आवारातील अन्य शाळांच्या वर्ग खोल्या अध्यापनासाठी वापरण्यात येतात. तिसऱ्या मजल्यावर पाचवीच्या वर्गात भरणाऱ्या मुक्त विद्यापीठाच्या कला शाखेच्या तिसऱ्या वर्गाच्या खोलीत तिचा खून करण्यात आला होता.

ही घटना समोर आल्यानंतर सुरुवातीला आत्महत्या की घातपात याबाबत पोलिसांच्या समोर प्रश्न निर्माण झाला होता. मात्र शवविच्छेदन केल्यानंतर वैद्यकीय अहवालामध्ये वैशालीचा गळा दाबून तसेच भिंतीवर डोके आपटल्याने मृत्यू झाल्याचे स्पष्ट झाले. सीसीटीव्ही फुटेज तपासले असता त्यामध्ये सकाळी दहाच्या सुमारास वैशालीसोबत एक व्यक्ती शाळेतील तिसर्‍या मजल्यावरील पाचवीच्या वर्गात गेल्याचे दिसत होते. त्यानंतर पंधरा मिनिटांनी तिच व्यक्ती शर्टच्या बाह्या दुमडून वर्गातून बाहेर पडल्याचेही सीसीटीव्ही फुटेजमधून पोलिसांच्या निदर्शनास आले. ती व्यक्ती प्राध्यापक ऋषिकेश मोहन कुडाळकर असल्याचं समजल्यानंतर स्थानिक गुन्हे शाखेच्या पोलिसांनी ऋषिकेशचा शोध घेतला मात्र तो सापडला नाही. रविवारी दुपारी स्थानिक गुन्हे शाखेचे पोलिस निरीक्षक श्रीकांत पिंगळे यांना ऋषिकेश कुडाळकर सांगोल्यात असल्याची माहिती खबर्‍याकडून मिळाल्यानंतर सांगोला येथे सापळा रचून त्याला ताब्यात घेतले.

पूर्ण बातमी वाचण्यासाठी पुढिल लिंक पहा : https://www.loksatta.com/maharashtra-news/sangli-student-murder-case-professor-arrested-1803449/?utm_source=Taboola_Recirculation&utm_medium=RC&utm_campaign=LS

 

बलात्कार…! अॅड एकनाथ ढोकळे

बलात्काराची सुरुवात मेंदूपासून होते…

सेक्स आणि बरंच काही…सिझन २ : एपिसोड १- नव्याने पुन्हा एकदा….

 

Comments are closed.