Mazi periods prtek veles 26 divsani yet hoti mazi 4 april la date zali hot nantr mg 29 la gela pahije hote pnnn ali nahi aani aaj 1 tarik aahe tr mazya yonitun blooding fkt 2 themb gela jr pregnant aselती tr as hoto ka
Answer for Mazi periods prtek veles 26 divsani yet hoti mazi 4 april la date zali hot nantr mg 29 la gela pahije hote pnnn ali nahi aani aaj 1 tarik aahe tr mazya yonitun blooding fkt 2 themb gela jr pregnant aselती tr as hoto kaसगळ्यात पहिल्यांदा प्रेग्नन्सी आहे की नाही हे पाहण्यासाठी प्रेग्नन्सी टेस्ट करा. मेडिकलमध्ये प्रेग्नन्सी टेस्ट करण्यासाठी कीट मिळते. त्यावर टेस्ट कशी करायची या सूचना देखील दिलेल्या असतात. टेस्ट निगेटिव्ह असेल तर थोडे दिवस वाट बघा.
गरोदरपणाव्यतिरिक्त पाळी चुकण्याची किंवा लांबण्याची इतरही अनेक कारणं आहेत. ताण-तणाव, वजन कमी असणे, अत्याधिक व्यायाम, खूप कष्टाची कामं, अत्याधिक प्रवास, कुपोषण किंवा स्त्रीच्या शरीरात बीज निर्मिती आणि पाळीचक्रावर प्रभाव टाकणाऱ्या काही विशिष्ट संप्रेरकांशी (हार्मोन्स) संबंधित समस्या अशी अनेक कारणं पाळी वेळेवर न येण्याला कारणीभूत असू शकतात.
आपण थोडं विस्ताराने समजून घेऊ यात. पाळी चक्रामध्ये अंडोत्सर्जन ही महत्त्वाची घटना आहे. पाळी ही त्या मानाने दुय्यम घटना आहे. अंडोत्सर्जन म्हणजे बीजकोषातून स्त्री बीज बाहेर येणे. दर पाळी चक्रामध्ये ठराविक कालावधीमध्ये स्त्री बीज बीज कोषातून बाहेर येतं. त्याचं पुरुष बीजाशी मिलन झालं तर गर्भधारणा होते. मात्र तसं काही झालं नाही तर साधारणपणे अंजोत्सर्जनानंतर १२-१६ दिवसांनी पाळी येते. त्यामुळे अंडोत्सर्जन जर नियमितपणे होत असेल तर पाळीही नियमितपणे येते.
काही वेळा आजारी असल्यामुळे औषधं चालू असतात त्याचा परिणाम पाळी चक्रावर होतो. अंडोत्सर्जन लांबतं आणि त्यामुळे पाळीदेखील उशीरा येते. काही वेळा अंडोत्सर्जंन होण्यामध्ये काही समस्या असल्यास पाळी नियमित येत नाही. वर म्हटल्याप्रमाणे कसलं टेन्शन असेल, मानसिक ताण असेल तरी पाळी लांबू शकते. खूप प्रवास, दगदग यांचाही पाळी चक्रावर परिणाम होत असतो.
अधिक माहितीसाठी – https://letstalksexuality.com/menstrual-and-fertilitycycle/ आणि https://letstalksexuality.com/menstrual-cycle-length/ हे वाचा. काही मदत लागल्यास संपर्क करा.
