सर्वात पहिलं म्हणजे, मूत्र मार्गाची नळी ही लिंगाच्या खालच्याच भागात असते. त्यामुळ याबद्दल चिंता करण्याचं कारण नाही.

प्रश्नातील दुसर्‍या भागाकडं वळू या. मूत्र मार्गाची नळी मोठी आहे असा तुमचा अंदाज आहे की तुम्हाला कोणी सांगितलं आहे? अनेकवेळा पुरुषांच्या मनामध्ये लिंगाच्या आकाराबाबत, मापाबाबत खूपच गैरसमज आढळून येतात. यातील अनेक समज-गैरसमज मित्रांच्या सांगण्यामुळं किंवा पॉर्न क्लिप्स पाहून तयार होतात. त्यामुळं तुम्ही विचारलेला प्रश्न तयार होत आहे हे तपासून पहा. मूत्र मार्गाच्या नळीमुळं भविष्यात काही समस्या निर्माण होईल असं वाटत नाही. तरीही तुम्हाला खात्री करुन घ्यायची असेल तर प्रत्यक्ष डॉक्टरांचा सल्ला फायदेशीर राहील.