कृपया तुमचा प्रश्न विस्ताराने आणि स्पष्टपणे विचारा जेणेकरून आम्हाला उत्तर देणे सोपे जाईल. संभोगादरम्यान तुमचे लवकर वीर्यस्खलन (वीर्य बाहेर येत नाही) होत नाही असे तुम्हाला म्हणायचे आहे का? तुम्हाला असे विचारायचे असावे असे समजून उत्तर देत आहे.
सरासरी पुरुषाचा संभोग ४- ५ मिनिटे चालतो. प्रत्येकासाठी हा कालावधी वेगवेगळा असतो. संभोग किती वेळ चालेल हे अनेक गोष्टींवर अवलंबून असते. आपण किती दिवसांनी संभोग करतो, आपलं वय किती आहे, आपण किती आतुर आहोत, आपल्याला संभोगाचा काही त्रास होतो आहे का? आपण काही दारू/ नशा किंवा औषधे घेऊन संभोग करतो का? आपल्याला जननेन्द्रियांची संवेदनशीलता कमी करणारे आजार आहेत का? अशा असंख्य गोष्टींवर संभोगाचा कालावधी अवलंबून असतो.
लवकर वीर्यस्खलन होत नाही म्हणजे किती वेळ? हा वेळ सरासरी दिलेल्या वेळेपेक्षा (४-५ मिनिटे) खूपच जास्त आहे का? याचा तुम्हाला आणि तुमच्या जोडीदाराच्या लैंगिक समाधानावर काही परिणाम होतो का? किंवा यामुळे तुमच्या जोडीदाराला काही त्रास होतो का? तुम्हाला ही समस्या आहे असे वाटते का? असेल तर का? जास्त वेळ संभोग करता यावा म्हणून तुम्ही काही औषधे घेतली आहेत का? या मुद्द्यांवर विचार करा आणि यात तुम्हाला काही समस्या जाणवत असेल तर अगदी मोकळेपणाने तुमचा प्रश्न विचारा.