तुम्ही सांगताय हे काळजी करण्यासारखे आहे. कधी कधी काही व्यक्तिंंना असे स्पॉटिंग होऊ शकते. तरीही तुम्ही तत्काळ डॉक्टरांना भेटा.  खूप रक्तस्त्राव होत आहे म्हणुनही डॉक्टरांचा सल्ला घेणे गरजेचे आहे.

हे ओळखण्याचा कोणताही मार्ग नाही. वर्जिनिटी ही फार मजेशीर कल्पना आहे. आपले नाते आणि लैंगिक संबंध हे आपल्या इच्छसाठी, प्रेमासाठी आणि नात्याचा भाग म्हणून केले जातात. त्यामध्ये जोडीदाराच्या वर्जिनिटीने काही फरक पडेल असं नाही. आणि जर आधीच्या आयुष्यात लैंगिक संबंध आले का नाही हे माहित करून घ्यायचं असेल, त्याने तुमच्या नात्यावर परिणाम होणार असेल तर बोलणे, संवाद साधणे हा एकमेव मार्ग आहे.

स्वतःच स्वत:सोबत लैंगिक सुख अनुभवण्यासाठी हस्तमैथून हा सर्वात सोपा मार्ग आहे. स्त्रीच्या शरीरात क्लिटोरिस नावाचा अतिशय संवेदनशील अवयव असतो. तो पूर्ण योनीमध्ये सामावलेला असतो. त्याचं टोक आणि योनीच्या आसपासची त्वचा लैंगिकदृष्ट्या सर्वात जास्त संवेदनशील असते, त्यामुळे तिला सहज स्पर्श झाला तरी ती ताठरते. तसेच स्तन हादेखील लैंगिक आनंद मिळणारा एक महत्वाचा अवयव आहे. आपण आपल्या शरीराला, लैंगिक अवयवांना हळूवारपणे हाताळल्यास, कुरवाळल्यास लैंगिक आनंद मिळू शकतो यालाच हस्तमैथुन असे म्हणतात. पुरुष व स्त्रिया दोघांसाठी हस्तमैथून करण्यासाठी बरीच साधनं उपलब्ध आहेत. स्त्रियांसाठी बनवलेल्या साधनांमध्ये dildo, व्हायब्रेटर अशी काही साधनं आहेत. भारतामध्ये अशा साधनांना विक्रिला ठेवायला बंदी आहे, तरीदेखील ऑनलाईन अशी उत्पादनं मागवता येतात.

हस्तमैथुन करताना किंवा करून झाल्यावर सर्वात महत्वाची गोष्ट म्हणजे स्वच्छता पाळणे. स्त्रिया किंवा पुरुष उद्दीपित झाल्यानंतर, लैंगिक अवयवांमधून स्त्राव पाझरतात त्यामुळे लैंगिक अवयवांची स्वच्छता ठेवणे खूप जरुरी असते. याशिवाय फळभाज्या वा लिंगाच्या आकाराच्या वस्तू हस्तमैथुनासाठी वापरणे धोकादायक ठरु शकते. शक्यतो कोणत्याही धारधार, तीक्ष्ण, खरबरीत वस्तूंचा वापर करणेही टाळावे.

प्रेमात पडणं हे अगदीच स्वाभाविक आहे. त्यामुळे एक म्हणजे चिंता नको. आता सांगायचं कसं? असं म्हणतात पूर्वी लोक कबुतरासोबत चिठ्ठी पाठवायचे. आता तशी काही सोय नाही. पण आता मोबाईल, इंटरनेटच्या जगात अनेक मार्ग निघालेत तुमच्या भावना व्यक्त करण्याचे. त्यातला तुम्हाला आवडणारा आणि तिला हिंसक, त्रासदायक नसणारा मार्ग निवडा. शक्यतो भेटून सांगू शकलात तर जास्त चांगलं. आपलं म्हणणं जास्त चांगल्याप्रकारे पोहचवता येतं.

सगळ्यात महत्वाची गोष्ट, तुम्हाला जी मैत्रीण आवडते तिलाही जर तुम्ही आवडत असाल तर आणि तरच पुढे जा. कसलीही जबरदस्ती नको. तिच्या मताचा आदर करा.