बाईने परपुरूषाशीएकदाच जर दूसरा पूरूष शाषी समंनध आलातर एड्स होऊशकतो का समागम केला आहे हे कसे ओळखता येतः asked 8 years ago 
Answer for बाईने परपुरूषाशीएकदाच जर दूसरा पूरूष शाषी समंनध आलातर एड्स होऊशकतो का समागम केला आहे हे कसे ओळखता येतः answered 8 years ago
प्रथम परपुरुषाशी आलेल्या संबंधाबद्दल बोलू या, बाईने किंवा पुरुषाने दुसर्यासोबत केलेला शारीरिक संबंध इतरांना ओळखता येत नाही. आता एड्सविषयी बोलू या, एड्स होण्याच्या प्रमुख कारणांपैकी एक कारण म्हणजे असुरक्षित शारीरिक संबंध. जर समोरील व्यक्ती एचआयव्ही बाधित असेल आणि तिच्यासोबत शरीरसंबंध ठेवताना काळजी घेतली नाही तर समोरील व्यक्तीला त्याची लागण होण्याची शक्यता वाढते. याविषयी अधिक जाणून घेण्यासाठी खालील माहिती वाचा. एच आय व्ही – एड्स एच आय व्ही म्हणजेच ह्यूमन इम्युनो डेफिशिअन्सी व्हायरस (HIV – Human Immune-Deficiency Virus). शरीराची प्रतिकारशक्ती कमी करणारा विषाणू. एड्स म्हणजे अक्वायर्ड इम्युनो डेफिशियन्सी सिण्ड्रोम (AIDS – Acquired Immune-Deficiency Syndrome). ही आजाराची एक अवस्था आहे. या संसर्गामध्ये शरीराची प्रतिकारशक्ती नष्ट व्हायला लागते. याचा परिणाम म्हणजेच शरीर कोणत्याही प्रकारच्या जंतुलागणीचा मुकाबला करू शकत नाही. एचआयव्हीचं रुपांतर काही काळाने एड्समध्ये होतं. एचआयव्ही बरा होऊ शकत नाही. मात्र आता औषधं आणि योग्य आहाराच्या मदतीने एचआयव्ही असला तरी चांगलं आयुष्य जगता येण्याची शक्यता निर्माण झाली आहे. शरीरातील स्रावांमधून एचआयव्हीची लागण एका व्यक्तीकडून दुसऱ्याला होऊ शकते. एचआयव्ही लैंगिक संबंधातून आणि इतर मार्गानेही पसरतो. रक्त, वीर्य, वीर्याच्या आधी बाहेर येणारा स्राव, योनीस्राव, आईचं दूध या स्रावांमधून एचआयव्हीचा विषाणू दुसऱ्याच्या शरीरात जातो. एचआयव्हीची लागण झालेल्या व्यक्तीसोबत कंडोम न वापरता केलेल्या लैंगिक संबंधातून (संभोग, मुख मैथुन आणि गुदा मैथुन) लागण होऊ शकते. एचआयव्हीची लागण होण्याचे बिगर लैंगिक मार्ग म्हणजे निर्जंतुक न केलेल्या इंजेकशनच्या सुया, दूषित रक्त आणि प्रसूतीच्या वेळी आईकडून बाळाला एचआयव्हीची लागण होऊ शकते. लिंगसार्गिक आजार असतील तर एचआयव्ही होण्याचा धोका वाढतो.
