मुलगा किंवा मुलीचा गर्भ राहणं स्त्री आणि पुरुषांच्या दोघांच्याही मर्जीवर अवलंबून नसतं, हे निसर्गावर अवलंबून असतं. दुसरी महत्वाची गोष्ट म्हणजे मुलगाच झाला पाहिजे हा आग्रह पुरुषसत्ताक मानसिकतेतून आला असून गर्भधारणा होण्याआधीच मुलीचा जन्म नाकारणं हा स्त्रियांवरील अन्याय आहे. गर्भधारणेच्या आधी तसेच गर्भधारणेनंतर लिंगनिवड करणे हा कायद्याने गुन्हा आहे. असं करणाऱ्या व्यक्तींना तसेच डॉक्टरांना कायद्याने शिक्षा होऊ शकते. मुलगा आणि मुलगी यांना समान वागणूक आणि समान स्थान मिळण्यासाठी आपण प्रयत्न केला पाहिजे. दोघांनाही समान संधी आणि दर्जा मिळाला तर दोघांमध्ये काहीही फरक नाही.