स्त्रीच्या लैंगिक अवयवाचे मुख्यतः दोन भाग असतात. पहिला म्हणजे मूत्रद्वार. याचा उपयोग केवळ मूत्र विसर्जनासाठी असतो. मूत्रद्वाराच्या खालील भागात योनीमुख असते. योनीमुखापासून गर्भाशयाला जोडणार्य़ा मार्गाला योनीमार्ग म्हणतात. याचा उपयोग मासिक पाळीच्या काळात गर्भाशयात जमा झालेला पेशींचा थर आणि स्त्रीबीज रक्ताच्या स्वरुपात बाहेर टाकण्यासाठी होतो. लैंगिक संभोगाच्या वेळी शिस्न योनीमार्गात जाते. मूत्रमार्गातून लिंग आत जाणे अशक्य असते. योनीच्या आतील त्वचेचे अस्तर हे लवचिक पेशींनी बनलेले असते. योनीच्या आकारमानात विविधता असली तरी योनीची आकुंचन प्रसारण क्षमता खुपच जास्त असल्याने संभोगाच्या वेळी त्यात कोणत्याही आकाराचे शिस्न/लिंग सहज सामावू शकते. याच योनीमार्गातून बाळाचा जन्म होतो.