तुम्हाला या वेबसाइटवरील माहिती आवडली हे सांगितल्याबद्दल तुमचे सर्वप्रथम आभार. ज्या गोष्टी फार मोकळेपणाने बोलल्या जात नाहीत त्या बोलता याव्यात, लैगिकतेविषयी (फक्त लैगिक संबंधांविषयी नाही) माहिती करून घ्यावी आणि त्यातली मूल्यं समजून घ्यावीत हाच या साइटचा मुख्य उद्देश आहे. 
सेक्स किंवा लैंगिक संबंधांबद्दल माहिती करून घेणं उपयोगी आहे. मात्र शेवटी आपल्याला, आपल्या जोडीदाराला काय आवडतं, कशाचा त्रास होतो, काय आवडत नाही, हे आपणच शोधून काढायला पाहिजे. तसंच किती वेळा आणि किती वेळ सेक्स केला की आनंद मिळेल हेही तुम्हा दोघांवर अवलंबून आहे. ते इतर कुणी सांगू शकणार नाही. 
एक मात्र आवर्जून लक्षात घ्या. सेक्समध्ये किती आनंद मिळतो हे फक्त तुम्ही सेक्स कसं करता यावर अवलंबून नाही. ती केवळ शरीराने करण्याची कृती नाही. तुमचा एकमेकांशी संवाद आहे का, एकमेकांबद्दल ओढ आहे का आणि मुळात तुम्ही एरवीही एकमेकांबरोबर आनंदात असता का या सर्वांचा सेक्सवर आणि त्यातून मिळणाऱ्या आनंदावर परिणाम होत असतो. त्यामुळे एरवीही आपल्याला कशात सुख मिळतं, कशाने आपल्याला आणि आपल्या जोडीदाराला छान वाटतं तेही शोधून काढा आणि त्याही गोष्टी तितक्याच उत्साहाने करा. 
तुम्ही विचारलेल्या प्रश्नांची उत्तरं या पुढील लेखांमध्ये आहेत. ते दोन्ही लेख वाचा आणि समजून घ्या. तुमची प्रतिक्रिया नक्की कळवा.
https://letstalksexuality.com/what-is-sex/

https://letstalksexuality.com/orgasm/