गर्भधारणा नक्की कशी होते?

33 18,890

गर्भधारणा कशी आणि कधी होते हे फारच इंटरेस्टिंग आहे. स्त्री आणि पुरुष किंवा नर आणि मादीच्या मिलनातून नवा जीव जन्माला येतो. प्रत्येक प्रजातीमध्ये हे मिलन कसं होतं आणि गर्भधारणेची प्रक्रिया कशी होते यात फरक आहेत.

बहुतेक स्त्रियांच्या शरीरात गर्भाशय, बीजवाहिन्या आणि बीजकोष असतात. मुलगी जन्माला येते तेव्हा तिच्या बीजकोषामध्ये अनेक स्त्री बीजं असतात.  वयात येण्याच्या काळात बीजकोषातली बीजं परिपक्व किंवा तयार व्हायला सुरुवात होते. आणि त्यानंतर दर पाळीचक्रामध्ये (साधारणपणे २२ ते ३५ दिवसाचे एक चक्र) एक स्त्रीबीज पूर्ण तयार होऊन बीजकोषातून बाहेर येते व बीजवाहिन्यांमध्ये जाते. या प्रक्रियेला अंडोत्सर्जन (Ovulation) म्हणतात. बीजवाहिनीमध्ये हे बीज १२-२४ तास जिवंत असते. त्या काळात पुरुष बीजाशी संपर्क आला तर तिथे त्यांचं मिलन होऊन गर्भधारणा होऊ शकते. गर्भ तयार होईल या शक्यतेनुसार गर्भाशयामध्ये अनेक बदल होतात. गर्भाच्या पोषणासाठी गर्भाशयाचं अस्तर जाड होतं.  मात्र पुरुष बीज न आल्यास हे बीज तिथेच विरघळून जाते आणि त्यानंतर 12-16 दिवसांनी गर्भाशयाचं अस्तर गळून पडायला लागतं. म्हणजेच पाळी येते.

पुरुष बीज कुठून येतं?

पुरुषाच्या शरीरात वृषणांच्या आत दोन बीजकोष असतात. मुलगा वयात येऊ लागला की या बीजकोषांमध्ये प्रचंड मोठ्या संख्येने पुरुष बीजं तयार व्हायला लागतात. यांनाच शुक्राणू असंही म्हणतात. असं म्हणतात की पुरुषाच्या हृदयाच्या प्रत्येक ठोक्याला १००० पुरुष बीजं तयार होतात. आणि त्यातलं एकच गर्भधारणेसाठी पुरेसं असतं!

लैंगिक संबंधांदरम्याल जेव्हा पुरुषाचं लिंग ताठर झाल्यावर स्त्रीच्या योनीमध्ये प्रवेश करतं तेव्हा एका क्षणी लिंगामधून वीर्य बाहेर येतं. या वीर्यामध्ये लाखोंच्या संख्येने पुरुष बीजं असतात. ती पोहत पोहत बीजवाहिन्यांच्या दिशेने प्रवास करू लागतात. बीजवाहिनीमध्ये तेव्हा स्त्री बीज असेल तर एक पुरुष बीज स्त्रीबीजामध्ये शिरतं आणि त्यातून फलित गर्भ तयार होतो. हा फलित गर्भ पुढील १० दिवसांमध्ये पुढे सरकत येतो आणि गर्भाशयाच्या भिंतीवर रुजतो. ही सर्व प्रक्रिया निर्धोकपणे पार पडली तर गर्भधारणा झाली असं म्हणता येईल.

पाळी चक्रातील काही ठराविक दिवसांमध्येच गर्भधारणा होऊ शकते. अंडोत्सर्जन होण्याच्या आधी आणि नंतरचे ३-४ दिवस हा काळ गर्भधारणा होण्यासाठी सर्वात चांगला काळ मानला जातो. त्यामुळे आपल्याला आपल्या पाळी चक्रातला अंडोत्सर्जनाचा काळ ओळखता आला तर त्यानुसार गर्भधारणेसाठी किंवा गर्भधारणा टाळण्यासाठी आपण प्रयत्न करू शकतो.

You might also like More from author

33 Comments

  1. साधना says

    खरंच फार इंटरेस्टिंग आहे………निसर्गाची रचना…………………

    1. Sameer says

      Ho khup vichitra ashi devachi lila aahe

  2. sumit kalyankar says

    गर्भधारणा होऊ नये म्हनुण काय करावे.व मला कंडोम वापरु वाटत नाही.

  3. shubhangi says

    shubhangikurhade95@gmail.com
    mala 6 day pasun problem aala nhi
    plz rly pregnacy nako ye
    i m married 9 month zhale maried la
    pali yenyasathi upay

    1. I सोच says

      प्लीज डोन्ट पॅनिक. सर्वप्रथम नक्की गर्भधारणा झाली आहे का? याची खात्री करा. जरी झाली असेल तरी तुम्ही डॉक्टरांच्या सल्ल्याने गर्भपात करू शकता. कृपया कोणताही घरगुती उपाय करू नका.

      तुमचे लैंगिक संबंध तुमच्या पाळीचक्राच्या जननक्षम काळात म्हणजेच जेव्हा गर्भधारणा होऊ शकते अशा काळात गर्भनिरोधक न वापरता आले आहेत का? (स्त्रीच्या पाळीचक्रातील जननक्षम काळ ओळखण्यासाठी http://letstalksexuality.com/conception/ हा लेख वाचा.)

      तुमची मासिक पाळीची तारीख उलटून गेली असेल तर सर्वात आधी एक करा, दिवस गेले आहेत का याची खात्री करा. प्रेग्नन्सी टेस्ट करण्यासाठीची किट बाजारात मिळतात. त्यावरील सूचनांप्रमाणे लघवीची तपासणी केली तर दिवस गेले आहेत की नाही हे समजू शकेल. जर टेस्ट निगेटिव्ह असेल तर थोडे दिवस पाळीची वाट बघा (मसिक पाळीचे चक्र नियमित असेल तर). पॉसिटीव्ह असेल तर तर स्त्रीरोगतज्ज्ञांना भेटा आणि तपासणी करा. तुम्हाला मुल नको असेल तर ते तुम्हाला योग्य तो सल्ला देतील.

      गर्भपात डॉक्टरांच्या सल्ल्याने करणे आवश्यक आहे. कृपया कोणताही घरगुती उपाय वापरू नका. भारतामध्ये २० आठवड्यापर्यंत गर्भपात करण्याला कायद्याने मान्यता आहे. त्यातही १२ व्या आठवड्यापर्यंत केलेला गर्भपात सुरक्षित मानला जातो. मात्र गर्भपात ही नियमितपणे वापरण्याची गर्भनिरोधक पद्धत नाही. गर्भपात करण्याच्या मुख्य पद्धती विषयी तसेच नको असलेली गर्भधारणा टाळण्यासाठी कोणती गर्भ निरोधके वापरावीत हे जाणून घेण्यासाठी पुढील लिंक वरील लेख वाचा. http://letstalksexuality.com/contraception/

  4. vinayak says

    Jar wife Che himoglobin kami asel tar ti pragancy hote ka allmost 10 havi pan 5.5 ahe tar nakki Kay problem ahe pragancy honar ki nahi

    1. I सोच says

      ५.५ हिमोग्लोबिन असणे खूपच चिंताजनक आहे. सगळ्यात पहिल्यांदा हिमोग्लोबिन वाढविण्यासाठी प्रयत्न केले पाहिजेत. जोपर्यंत हिमोग्लोबिन १० च्या पुढे जात नाही तोपर्यंत गर्भधारणेचा विचार न करणेच योग्य ठरेल. शरीरात इतके कमी रक्ताचे प्रमाण असताना जरी गर्भधारणा झाली तरी त्यात धोका आहे.

      रक्तपांढरी होण्यामागचे कारण शोधून त्यावर योग्य ते वैद्यकीय उपचार करणे आवश्यक आहे. वैद्यकीय उपचारांसोबतच सकस आहार (हिरव्या पालेभाज्या, डाळी, मोड आलेली कडधान्ये, शेंगदाणे, नाचणी, बाजरी, अहळीव, मांस, मच्छी, गूळ, चुरमुरे, लाह्या, पोहे, जवस, तीळ, मेथ्या), जेवणात लिंबाचा वापर आणि अन्न शिजवण्यासाठी लोखंडाच्या भांड्याचा वापर करता येईल.

  5. Pawarmr says

    Palichya ek athavadha adhi fakt ekdach sambandh ala tar garbh rahu shakto ka

    1. I सोच says

      पाळीच्या एक आठवडा संबंध आले असतील तर खरंतर गर्भधारणा होण्याची शक्यता कमी आहे.

      मासिक पाळीच्या चक्रामधल्या काही दिवसांमध्येच गर्भधारणा होऊ शकते. प्रत्येक स्त्रीसाठी पाळीचं चक्र वेगवेगळं असतं. साधारणपणे पुढची पाळी येण्याच्या आधी 2 आठवड्याच्या सुमारास अंडोत्सर्जन होते. म्हणजेच स्त्रीच्या बीजकोषातून स्त्री बीज बाहेर येते आणि बीजवाहिनीमध्ये 12-24 तास जिवंत राहते. या काळात जर पुरुष बीजाशी त्याचा संपर्क झाला तर गर्भधारणा होण्याची शक्यता असते. याविषयी अधिक माहिती खालील लेखामध्ये दिली आहे ते वाचण्यासाठी खालील लिंक वर क्लिक करा.
      http://letstalksexuality.com/conception/
      http://letstalksexuality.com/menstrual-and-fertility-cycle/

  6. sam says

    palichya week madhe sambandh aala tr garbh yeu Shakto ka? & 3 months zale Pali aaleli nahiye ajun tevhapasun… please solutions sanga….

    1. sam says

      palichya week madhe APASHT SAMANDH aala tr garbh Rahu Shakto ka? & 3 months zale Pali ajun aaleli nahi.. please upay sanga….

      1. I सोच says

        पाळीच्या आठवड्यामध्ये लैंगिक संबंध आल्यावर गर्भ राहू शकतो का हे स्त्रीच्या मासिक पाळीचक्रावर अवलंबून असते. पाळीचक्र जर खूप लहान किंवा खूप मोठे असेल तर कधीकधी पाळी संपता संपता गर्भधारणा होऊ शकते. कमी शक्यता असते पण शक्यता नाकारता येत नाही. पाळी चक्रातील काही ठराविक दिवसांमध्येच गर्भधारणा होऊ शकते. अंडोत्सर्जन होण्याच्या आधी आणि नंतरचे ३-४ दिवस हा काळ गर्भधारणा होण्यासाठी सर्वात चांगला काळ मानला जातो.दर पाळीचक्रामध्ये (साधारणपणे २२ ते ३५ दिवसाचे एक चक्र) एक स्त्रीबीज पूर्ण तयार होऊन बीजकोषातून बाहेर येते व बीजवाहिन्यांमध्ये जाते. या प्रक्रियेला अंडोत्सर्जन (Ovulation) म्हणतात. प्रत्येकाच्या पाळीचक्रानुसार हा काळ वेगळा असू शकतो. बऱ्याच जनांचा असा समाज असतो की अंडोत्सर्जन हे १४ व्या दिवशीच होतं. पण बहुतेक वेळा ते लवकर किंवा उशिराही होत असतं. लवकरात लवकर म्हणजे अगदी ७ व्या दिवशीही अंडोत्सर्जन होऊ शकतं.

        पाळीची तारीख उलटून गेली असेल तर सर्वात आधी एक करा, दिवस गेले आहेत का याची खात्री करा. प्रेग्नन्सी टेस्ट करण्यासाठीची किट बाजारात मिळतात. त्यावरील सूचनांप्रमाणे लघवीची तपासणी केली तर दिवस गेले आहेत का हे समजू शकेल. जर टेस्ट निगेटिव्ह असेल तर थोडे दिवस पाळीची वाट बघा (मसिक पाळीचे चक्र नियमित असेल). पॉसिटीव्ह असेल तर तर स्त्रीरोगतज्ज्ञांना भेटा आणि तपासणी करा.

        नको असणारी गर्भधारणा टाळण्यासाठी योग्य ते गर्भनिरोधक वापरणे गरजेचे आहे. तसेच जोडीदाराबरोबर याविषयी चर्चा करून दोघांच्या संगनमताने कोणते गर्भनिरोधक वापरायचे हे ठरवले पाहिजे. शिवाय आपण हेही लक्षात घेतले पाहिजे की, लैंगिक संबंधांबरोबर गर्भनिरोधनामध्येही स्त्रीप्रमाणे पुरुषाचा तितकाच सहभाग असायला पाहिजे. ‘नको असणारी गर्भधारणा टाळण्यासाठी’ या वेबसाईटवरील लेखातून तुम्हाला अधिक माहिती मिळेल. खाली लिंक दिली आहे. http://letstalksexuality.com/contraception/

    2. I सोच says

      पाळीच्या आठवड्यामध्ये लैंगिक संबंध आल्यावर गर्भ राहू शकतो का हे स्त्रीच्या मासिक पाळीचक्रावर अवलंबून असते. पाळीचक्र जर खूप लहान किंवा खूप मोठे असेल तर कधीकधी पाळी संपता संपता गर्भधारणा होऊ शकते. कमी शक्यता असते पण शक्यता नाकारता येत नाही. पाळी चक्रातील काही ठराविक दिवसांमध्येच गर्भधारणा होऊ शकते. अंडोत्सर्जन होण्याच्या आधी आणि नंतरचे ३-४ दिवस हा काळ गर्भधारणा होण्यासाठी सर्वात चांगला काळ मानला जातो.दर पाळीचक्रामध्ये (साधारणपणे २२ ते ३५ दिवसाचे एक चक्र) एक स्त्रीबीज पूर्ण तयार होऊन बीजकोषातून बाहेर येते व बीजवाहिन्यांमध्ये जाते. या प्रक्रियेला अंडोत्सर्जन (Ovulation) म्हणतात. प्रत्येकाच्या पाळीचक्रानुसार हा काळ वेगळा असू शकतो. बऱ्याच जनांचा असा समाज असतो की अंडोत्सर्जन हे १४ व्या दिवशीच होतं. पण बहुतेक वेळा ते लवकर किंवा उशिराही होत असतं. लवकरात लवकर म्हणजे अगदी ७ व्या दिवशीही अंडोत्सर्जन होऊ शकतं.

      पाळीची तारीख उलटून गेली असेल तर सर्वात आधी एक करा, दिवस गेले आहेत का याची खात्री करा. प्रेग्नन्सी टेस्ट करण्यासाठीची किट बाजारात मिळतात. त्यावरील सूचनांप्रमाणे लघवीची तपासणी केली तर दिवस गेले आहेत का हे समजू शकेल. जर टेस्ट निगेटिव्ह असेल तर थोडे दिवस पाळीची वाट बघा (मसिक पाळीचे चक्र नियमित असेल). पॉसिटीव्ह असेल तर तर स्त्रीरोगतज्ज्ञांना भेटा आणि तपासणी करा.

      नको असणारी गर्भधारणा टाळण्यासाठी योग्य ते गर्भनिरोधक वापरणे गरजेचे आहे. तसेच जोडीदाराबरोबर याविषयी चर्चा करून दोघांच्या संगनमताने कोणते गर्भनिरोधक वापरायचे हे ठरवले पाहिजे. शिवाय आपण हेही लक्षात घेतले पाहिजे की, लैंगिक संबंधांबरोबर गर्भनिरोधनामध्येही स्त्रीप्रमाणे पुरुषाचा तितकाच सहभाग असायला पाहिजे. ‘नको असणारी गर्भधारणा टाळण्यासाठी’ या वेबसाईटवरील लेखातून तुम्हाला अधिक माहिती मिळेल. खाली लिंक दिली आहे. http://letstalksexuality.com/contraception/

  7. Vishal says

    पाळी येण्याआधी सेक्स केल्यास गर्भधारना होउ शकते का?

    1. I सोच says

      हे प्रत्येक स्त्रीच्या पाळीचक्रावर अवलंबून आसते. मासिक पाळी येण्याआधी किती दिवस ? पाळी चक्रातील काही ठराविक दिवसांमध्येच गर्भधारणा होऊ शकते. अंडोत्सर्जन होण्याच्या आधी आणि नंतरचे ३-४ दिवस हा काळ गर्भधारणा होण्यासाठी सर्वात चांगला काळ मानला जातो. त्यामुळे आपल्याला आपल्या पाळी चक्रातला अंडोत्सर्जनाचा काळ ओळखता आला तर त्यानुसार गर्भधारणेसाठी किंवा गर्भधारणा टाळण्यासाठी आपण प्रयत्न करू शकतो. गर्भधारणा नक्की कशी होते हे समजून घेण्यासाठी http://letstalksexuality.com/conception/ या लिंक वरील लेख वाचा.

  8. Pravin says

    अंडोत्सर्जनाचा काळ कसा ओळखायचा

    1. I सोच says
  9. पूजा says

    सर सेक्स केल्यानंतर पाळी लवकर आली तर काय प्रॉब्लेम होऊ शकतो का।।कारण पाळी लवकर आली आहे।।त्यामुळे।दरवेळी 28 ला येते पण आता 13 लाच आली आहे।।plz।मला सांगा काही प्रॉब्लेम होऊ शकतो का?

    1. I सोच says

      एखाद्या वेळी असे झाले तर काळजी करण्याचे काहीच कारण नाही. मात्र प्रत्येक वेळी नेहमीपेक्षा १५ दिवस लवकर पाळी येत असेल तर डॉक्टरांचा सल्ला घेणे योग्य. पाळी चुकण्याची, लवकर येण्याची किंवा लांबण्याची अनेक कारणं आहेत. ताण-तणाव, वजन कमी असणे, अत्याधिक व्यायाम, खूप कष्टाची कामं, अत्याधिक प्रवास, कुपोषण किंवा स्त्रीच्या शरीरात बीज निर्मिती आणि पाळीचक्रावर प्रभाव टाकणाऱ्या काही विशिष्ट संप्रेरकांशी (हार्मोन्स) संबंधित समस्या अशी अनेक कारणं पाळी वेळेवर न येण्याला कारणीभूत असू शकतात.
      काही वेळा आजारी असल्यामुळे औषधं चालू असतात त्याचा परिणाम पाळी चक्रावर होतो. अंडोत्सर्जन लांबतं आणि त्यामुळे पाळीदेखील उशीरा येते. काही वेळा अंडोत्सर्जंन होण्यामध्ये काही समस्या असल्यास पाळी नियमित येत नाही. वर म्हटल्याप्रमाणे कसलं टेन्शन असेल, मानसिक ताण असेल तरी पाळी लांबू शकते. खूप प्रवास, दगदग यांचाही पाळी चक्रावर परिणाम होत असतो.
      अधिक माहितीसाठी – http://letstalksexuality.com/menstrual-and-fertilitycycle/ आणि http://letstalksexuality.com/menstrual-cycle-length/ हे वाचा. काही मदत लागल्यास संपर्क करा.
      टेन्शन घेण्याचं कारण नाही. मात्र पाळी नियमित न येण्याचं कारण शोधणं गरजेचं असतं. तत्काळ एखाद्या डॉक्टरचा सल्ला घ्या. आपल्या शरीराविषयी आपणच जास्त जागरूक होणं आवश्यक आहे.

      1. Suraj says

        Mc chya adhi lip to lip kiss kelyane girl preganat hote ka plz replay dya?

        1. I सोच says

          लीप कीस केल्याने गर्भधारणा होत नाही. गर्भधारणा होण्यासाठी लैंगिक संबंध (योनीमैथुन) यावे लागतात. पुढे जाऊन लैंगिक संबंध येणार असतील तर योग्य ते गर्भनिरोधक वापरणे आवश्यक आहे. गर्भधारणा कशी होते? हे समजून घेण्यासाठी खालील लिंकवरील लेख वाचा.
          http://letstalksexuality.com/conception/
          नको असलेली गर्भधारणा टाळण्यासाठी योग्य त्या गर्भनिरोधकाचा वापर करणे आवश्यक आहे. गर्भनिरोधकांविषयी अधिक माहितीसाठी खालील लिंकवर क्लिक करा.
          http://letstalksexuality.com/contraception/
          आपल्या वेबसाईटवर यासंबंधी अनेक प्रश्न चर्चिले आहेत. अधिक माहितीसाठी कृपया ‘FAQ – शंका समाधान’ तसेच प्रश्नोत्तरे जरूर वाचा. तुम्हाला शोधणे सोपे जावे यासाठी लिंक देत आहे.
          ‘FAQ – शंका समाधान’: http://letstalksexuality.com/frequently-asked-questions/
          प्रश्नोत्तरे :- http://letstalksexuality.com/question/

  10. Shayam says

    Pali yet aasel tr confirmed, pregnant Nahi Aasa Ahe ka, ki period pn suru aaani pregnancy pn asa hote ka?

    1. I सोच says

      पाळी येत असेल तर गर्भधारणा नसते हे नक्की. पाळी आणि प्रेग्नंसी एकाच वेळी सुरु नसते. गर्भधारणा नक्की कशी होते यासाठी खालील लिंकवरील लेख वाचा.

      http://letstalksexuality.com/conception/

  11. Pappu says

    Masturbation kelyane tabyet kami note ka?
    Jar hot asel tar kiti divasanantr karave

    1. I सोच says

      अजिबात नाही. हस्तमैथुनाविषयीचे अनेक गैरसमज आपल्या समाजात आढळतात. त्यातीलच हा एक. हस्तमैथुन केल्याने तब्येत कमी होत नाही. लैंगिक इच्छा होणं आणि हस्तमैथुन करणं अगदी नैसर्गिक आहे त्यात काहीही गैर नाही. हस्तमैथुन ही एक नैसर्गिक क्रिया आहे व स्वतःला लैंगिक आनंद देण्यासाठी ही क्रिया सर्वात सुरक्षित क्रिया आहे. शिवाय हस्तमैथुनातून आपल्याला आपल्या शरीरातील कोणते भाग लैंगिक दृष्ट्या सर्वात जास्त संवेदनशील आहेत हे कळण्यासाठी देखील मदत होते. हस्तमैथुन केल्याने काहीही दुष्परिणाम होत नाहीत.

      हस्तमैथुन किती वेळा करावे याचा देखील काही नियम/मापदंड नाही. कोणत्याही गोष्टीचा अतिरेक वाईटच असतो त्यामुळे हस्तमैथुनाशिवाय दुसरे काहीच सुचत नाही अशी स्थिती यायला नको. आपल्या वेबसाईटवर हस्तमैथुनासंबंधी अनेक प्रश्न चर्चिले आहेत. अधिक माहितीसाठी कृपया ‘लेख’, ‘FAQ – शंका समाधान’ तसेच ‘प्रश्नोत्तरे’ जरूर वाचा. तुम्हाला शोधणे सोपे जावे यासाठी लिंक देत आहे.

      लेख- http://letstalksexuality.com/masterbation_safe_pleasurable/
      ‘FAQ – शंका समाधान’: http://letstalksexuality.com/frequently-asked-questions/
      प्रश्नोत्तरे :- http://letstalksexuality.com/question/

  12. Gautami kole says

    मला आठ दिवस जास्त झाले आहेत. किट ने तिन वेळा वेगवेगळ्या दिवशी चे क केले पन नाही दाखवत आहे ऊपाय सुचवा

    1. I सोच says

      तुम्ही प्रेग्नंसी कीट योग्य पद्धतीने वापरत आहात का ? याची एकदा खात्री करा. आवश्यकता वाटल्यास स्त्रीरोग तज्ञांकडून खात्री करून घ्या. गरोदरपणाव्यतिरिक्त पाळी चुकण्याची किंवा लांबण्याची इतरही अनेक कारणं आहेत. ताण-तणाव, वजन कमी असणे, अत्याधिक व्यायाम, खूप कष्टाची कामं, अत्याधिक प्रवास, कुपोषण किंवा स्त्रीच्या शरीरात बीज निर्मिती आणि पाळीचक्रावर प्रभाव टाकणाऱ्या काही विशिष्ट संप्रेरकांशी (हार्मोन्स) संबंधित समस्या अशी अनेक कारणं पाळी वेळेवर न येण्याला कारणीभूत असू शकतात.
      आपण थोडं विस्ताराने समजून घेऊ यात. पाळी चक्रामध्ये अंडोत्सर्जन ही महत्त्वाची घटना आहे. पाळी ही त्या मानाने दुय्यम घटना आहे. अंडोत्सर्जन म्हणजे बीजकोषातून स्त्री बीज बाहेर येणे. दर पाळी चक्रामध्ये ठराविक कालावधीमध्ये स्त्री बीज बीज कोषातून बाहेर येतं. त्याचं पुरुष बीजाशी मिलन झालं तर गर्भधारणा होते. मात्र तसं काही झालं नाही तर साधारणपणे अंजोत्सर्जनानंतर १२-१६ दिवसांनी पाळी येते. त्यामुळे अंडोत्सर्जन जर नियमितपणे होत असेल तर पाळीही नियमितपणे येते.
      काही वेळा आजारी असल्यामुळे औषधं चालू असतात त्याचा परिणाम पाळी चक्रावर होतो. अंडोत्सर्जन लांबतं आणि त्यामुळे पाळीदेखील उशीरा येते. काही वेळा अंडोत्सर्जंन होण्यामध्ये काही समस्या असल्यास पाळी नियमित येत नाही. वर म्हटल्याप्रमाणे कसलं टेन्शन असेल, मानसिक ताण असेल तरी पाळी लांबू शकते. खूप प्रवास, दगदग यांचाही पाळी चक्रावर परिणाम होत असतो.
      अधिक माहितीसाठी – http://letstalksexuality.com/menstrual-and-fertilitycycle/ आणि http://letstalksexuality.com/menstrual-cycle-length/ हे वाचा. काही मदत लागल्यास संपर्क करा.
      टेन्शन घेण्याचं कारण नाही. मात्र पाळी नियमित न येण्याचं कारण शोधणं गरजेचं असतं. तत्काळ एखाद्या डॉक्टरचा सल्ला घ्या. आपल्या शरीराविषयी आपणच जास्त जागरूक होणं आवश्यक आहे.

  13. krushna says

    दिवस केल्यावर पाळी येते का

    1. I सोच says

      नाही. गर्भधारणेनंतर रक्तस्राव होणे चांगले नाही. असं काही होत असेल तर ताबडतोब डॉक्टरांचा सल्ला घ्या. काळजी घ्या.

  14. yogesh says

    Pali samplyavar Dusrya divshi sex kelyavar pregnant rahu shakte ka

    1. I सोच says

      हे संबंधित स्त्रीच्या मासिक पाळीचक्र आणि अन्डोत्सर्जनचा काळ यावर अवलंबून आहे.
      याविषयीचे अनेक लेख आणि प्रश्नोत्तरे चर्चिली आहेत. ती वाचण्यासाठी खालील लिंक्सवर क्लिक करा.

      http://letstalksexuality.com/fertility-and-sexuality-awareness/

      http://letstalksexuality.com/menstrual-and-fertility-cycle/

      http://letstalksexuality.com/fertility-signs/

      http://letstalksexuality.com/%E0%A4%9C%E0%A4%A8%E0%A4%A8%E0%A4%9A%E0%A4%95%E0%A5%8D%E0%A4%B0%E0%A4%BE%E0%A4%9A%E0%A5%80-%E0%A4%93%E0%A4%B3%E0%A4%96-%E0%A4%AD%E0%A4%BE%E0%A4%97-%E0%A5%A8-%E0%A4%B8%E0%A5%8D%E0%A4%B0%E0%A4%BE/

      http://letstalksexuality.com/changes-in-cervix-in-fertility-cycle/

      http://letstalksexuality.com/fertility-cycle-changes-in-the-body/

      http://letstalksexuality.com/%E0%A4%9C%E0%A4%A8%E0%A4%A8%E0%A4%9A%E0%A4%95%E0%A5%8D%E0%A4%B0%E0%A4%BE%E0%A4%9A%E0%A5%80-%E0%A4%93%E0%A4%B3%E0%A4%96-%E0%A4%AD%E0%A4%BE%E0%A4%97-%E0%A5%AB-%E0%A4%AA%E0%A4%BE%E0%A4%B3%E0%A5%80/

      अधिक माहितीसाठी कृपया ‘FAQ – शंका समाधान’ तसेच प्रश्नोत्तरे जरूर वाचा. तुम्हाला शोधणे सोपे जावे यासाठी लिंक देत आहे.

      ‘FAQ – शंका समाधान’: http://letstalksexuality.com/frequently-asked-questions/
      प्रश्नोत्तरे – http://letstalksexuality.com/question

      1. रीदिमा says

        condomशिवाय सेक्स केले पण वीर्य वाहर टाकले त्याचा कही effect और साइड effect होउ शकतो का

        1. I सोच says

          योनीमैथुन करत असताना वीर्य योनिबाहेर पडले तरी अजिबातच योनीत गेले नाही असं खात्रीनं सांगता येत नाही. मासिक पाळीचक्रातील गर्भधारणेस पूरक काळात जर लैंगिक संबंध आले तर गर्भधारणा होण्यास एक शुक्राणू देखील पुरेसा असतो. त्यामुळे इथून पुढे लैंगिक संबंध ठेवत असताना गर्भधारणा नको असेल तर कंडोमचा वापर करणे गरजेचे आहे.

Leave A Reply

Your email address will not be published.